كان البعد قصيدة
يا رب تعجبكم
كان البعد ببجرح قلبي
علشان قلبك بيغيب عنى
كنت اتمنى تخليك جنبي
وتحبني وتقرب مني
لما بتبعد كنت بأقول
نفسي أكون وياك على طول
نفسي الوقت ما بينا يطول
كنت بأشوفك أحلى ملاك
كنت اتعذب وانت بعيد
ليلي دا كان أشواق تنهيد
بتغيب ليه يبقى انت أكيد
مش حاسس إن أنا بهواك
لما عرفت إن أنا مش همك
ولا بتفكر فيا وشاغلك
قلت انا لازم أبعد عنك
علشان ما اتعذبش معاك
قربك برده بقى بيتعبني
نظرة عينك دي بتجرحني
كل كلامي بيعذبني
ما أنا مش حاسس شوق جواك
كنت زمان باتمنى أشوفك
وألمس إيدك واسمع صوتك
بس مادام مش حاسس شوقك
يبقى بعادك زي لقاك
حبك كان ملى قلبي جراح
بس خلاص الحب دا راح
ومن ساعتها قلبي ارتاح
لما نويت أبعد وانساك
جرحك بقى مش زي الأول
قلبي اتعود بقى يتحمل
بعدك عنى مهما يطول
ما بحسش بعذابي معاك
كان البعد بيجرح قلبي
علشان قلبك بيغيب عنى
بس خلاص اتحول حبي
بقيت اتمناك تبعد عنى
بقلم حازم عبد الكريم
شاعر رساله العاشر من رمضان